აბიტურიენტებს აპელაციისთვის გადახდილი თანხა ოქტომბრამდე დაუბრუნდებათ

გასაჩივრებისათვის გადახდილი თანხის დასაბრუნებლად, აბიტურიენტებს განაცხადის გაკეთება სამი სექტემბრიდან ორი ოქტომბრის ჩათვლით შეეძლებათ.

განაცხადის გაკეთება შესაძლებელია, საგანმანათლებლო რესურსცენტრებში.

განმცხადებელმა თან უნდა იქონიოს:

• პირადობის დამადასტურებელი დოკუმენტი;

• იმ შემთხვევაში, თუ განმცხადებელი სხვა პირია - წარმომადგენლობის დამადასტურებელი დოკუმენტი.
განაცხადს აუცილებლად უნდა დაერთოს:

• ბანკის მიერ გაცემული საბანკო რეკვიზიტები, სადაც მითითებული იქნება ბანკის კოდი, ანგარიშის ნომერი (22 სიმბოლოსგან შემდგარი ნომერი) და ანგარიშის დასახელება (გვარი, სახელი);

• აპლიკანტის/გადამხდელის პირადობის მოწმობის ასლი;

• ინტერნეტ ბანკინგის საშუალებით თანხის გადახდის შემთხვევაში - შესაბამისი ამონაწერი ან თანხის გადახდის დამადასტურებელი სხვა დოკუმენტი.

[თაკო ფეიქრიშვილი, ახალციხე]