‘რვასართულიანების’ სადარბაზოებში ბუნკერები გაწმინდეს

დღეს, 23 აგვისტოს ახალციხის მერიის „კეთილმოწყობის“ სამსახურმა, რვასართულიანი კორპუსის სამივე სადარბაზოში ჩაშენებული ბუნკერები ქლორიანი წყლით დაასუფთავა.

კორპუსის მცხოვრებლები ბუნკერებისთვის დეზინფექციის ჩატარებას დიდი ხნის განმავლობაში ითხოვდნენ. მათი თქმით, ბუნკერები ნაგვისგან იცლებოდა, მაგრამ არასდროს იწმინდებოდა.

ამ თემაზე „სამხრეთის კარიბჭემ“ მასალა 19 აგვისტოს დაწერა.

ოთხი დღის შემდეგ, ადგილზე მერიის დასუფთავების სამსახური მივიდა: „წყალში გავხსენით ქლორის ხსნარი და ისევ ვრეცხავთ ბუნკერებს. ეს ჩვენ არ გვეხება, ამას სხვა სამსახურები აკეთებენ, თუმცა ქალაქს თუ სჭირდება, გავაკეთებთ. გაწერილი არ გვაქვს რამდენ ხანში ერთხელ უნდა გავრეცხოთ, მაგრამ გვეტყვიან და შემდეგ გავაკეთებთ“, – ამბობს შპს „კეთილმოწყობის“ სამსახურის მთავარი სპეცილისტი ირაკლი კურტანიძე.



[მარიამ ბარძიმაძე, ახალციხე]