ახალციხეში თამარ მეფისა და შოთა რუსთაველის ძეგლები გარეცხეს [Photo]

დღეს, 25 ივლისს შპს "კეთილმოწყობის" სამსახურის თანამშრომლებმა ახალციხეში დასუფთავების აქცია მოაწყეს. აქციის ფარგლებში ქალაქში არსებული ძეგლები ჯერ სპეციალური ხსნარით გაწმინდეს, შემდეგ კი გარეცხეს. ასევე დაასუფთავეს თამარ მეფისა და შოთა რუსაველის ძეგლების მიმდებარე ტერიტორიაც.

დასუფთავების აქციაში მონაწილეობა შპს "კეთილმოწყობის" სამსახურის თანამშრომლებთან ერთად მოხალისეებმაც მიიღეს. "კეთილმოწყობის" სამსახურის უფროსის მოვალეობის შემსრულებლის გიორგი ლონდარიძის თქმით, აღნიშნული აქცია დიდი ხნის წინ დაგეგმეს, თუმცა სპეციალური ხსნარი, რითიც ძეგლები უნდა გაეწმინდათ გუშინ მიიღეს.

შეგახსენებთ, რომ გუშინ, 24 ივლისს "სამხრეთის კარიბჭეს" ვებ–გვერდზე გამოქვეყნდა სტატია, რომ თამარ მეფის ძეგლს რესტავრაცია სჭირდება. ამავე სტატიაში ახალციხის მცხოვრებლები ამბობენ, რომ ძეგლს, გარემოს ზემოქმედებით, პირვანდელი ფერი დაკარგული აქვს.








[თამარ თოთაძე, ახალციხე]