ახალქალაქში სკოლა 165–მა პენსიონერმა მასწავლებელმა დატოვა

იმ პედაგოგთა რაოდენობის გასაგებად, რომლებმაც სკოლა დატოვეს, სამცხე–ჯავახეთის მუნიციპალიტეტების რესურსცენტრების ხელმძღვანელებს დავუკავშირდით. მათგან ზუსტი ციფრი – მხოლოდ ახალქალაქის რესურსცენტრის ხელმძღვანელმა, ტერეზა ჩივჩიანმა გვითხრა: „ჩვენთნ სულ 250 საპენსიო ასაკის პედაგოგია. ჯილდოს მიღების სურვილი 165–მა საპენსიო ასაკის მასწავლებელმა გამოთქვა“.

განათლების სამინისტრო ქვეყნის მასშტაბით,სამსახურიდან წასული პენსიონერი მასწავლებლების რაოდენობის შესახებ ინფორმაციას, რამდენიმე დღეში გაავრცელებს.

საპენსიო ასაკის პრაქტიკოს მასწავლებელს სახელმწიფო ჯილდოს მიღება 2019 წლის განმავლობაში, რამდენიმე შემთხვევაში შეუძლიათ:

1. თუ მასწავლებელს არ აქვს მინიმალური კომპეტენციის დადასტურების სურვილი;
2. თუ მასწავლებელი ვერ დააკმაყოფილებს მინიმალურ კომპეტენციას;
3. თუ მასწავლებელს არ აქვს სურვილი ან ვერ დაადასტურებს მინიმალურ კომპეტენციას განმეორებითი მცდელობისას, ან თუ მასწავლებელს აქვს მინიმალური კომპეტენცია დადასტურებული, მაგრამ არ სურს, რომ აიმაღლოს სტატუსი.

სახელმწიფო ჯილდოს გაცემა 2019 წლის სექტემბრიდან დაიწყება.

ქვეყნის მასშტაბით სამსახურიდან წასვლის მსურველი საპენსიო ასაკის მასწავლებლებისთვის ჯილდოს სახით რამდენიმე ათეული მილიონი ლარია გათვალისწინებული.

[ავთო ინასარიძე, ახალქალაქი]