სამცხე–ჯავახეთში სკოლის დატოვების სურვილი 470–მდე პენსიონერმა მასწავლებელმა გამოთქვა

ფოტო: ბათუმელები

ხუთი ივლისის მონაცემებით, ადიგენში 44–მა მასწავლებელმა გამოთქვა სურვილი, ახალქალაქში 165–მა, ასპინძაში 37–მა, ბორჯომში 54–მა, ხოლო ახალციხეში 90-მდე მასწავლებელმა, ნინოწმინდის რესურსცენტრს ახალი მონაცემები არ აქვს, 27 მაისის მონაცემებით, ჯილდოს მსურველი ნინოწმინდაში 80 მასწავლებელია.

კომპენსაციას ნებაყოფლობით ის პედაგოგი მიიღებს, რომელსაც მინიმალური კომპეტენციის დადასტურების, სტატუსის ამაღლებისა და შესაბამისად პროფესიული საქმიანობის გაგრძელების სურვილი არ აქვს. კომპენსაციად ორი წლის ჯამური ხელფასი განისაზღვრა.

განათლების სამინისტროს მიერ ზოგადი განათლების მიმართულებით დაგეგმილი ცვლილებების მიხედვით, პენსიონერ პედაგოგებს, მთელი სიცოცხლის განმავლობაში, ჯანმრთელობის დაზღვევის პაკეტი შეუნარჩუნდებათ.

[ავთო ინასარიძე, სამცხე–ჯავახეთი]