სკოლებში დასაქმებული მასწავლებლებიდან საპენსიო ასაკის მქონე 16 406 პედაგოგია

აღნიშნული ინფორმაცია საქართველოს განათლების, მეცნიერების, კულტურისა და სპორტის სამინისტროდან "ინტერპრესნიუსმა" გამოითხოვა.

განათლების სამინისტროს შეთავაზებით, პენსიონერმა მასწავლებლებმა ან კვალიფიკაციის გამოცდა უნდა ჩააბარონ, ან შეუძლიათ ჯილდო მიიღონ ორი წლის ხელფასის ოდენობით და სკოლას დაემშვიდობონ.

აღსანიშნავია, რომ საპენსიო ასაკის მასწავლებლებისთვის ჯილდოს სახით გასაცემი თანხების რაოდენობა რამდენიმე ათეულ მილიონ ლარს აღწევს. იმ პედაგოგებისთვის, რომლებმაც მასწავლებლის ჯილდოს მიღების სურვილი გამოთქვეს, თანხების გაცემა აგვისტო-სექტემბერში დაიწყება.

სამსახურიდან წასვლის მსურველი საპენსიო ასაკის მასწავლებლებისთვის ჯილდოს სახით რამდენიმე ათეული მილიონი ლარი გაიცემა.

29 მაისის მონაცემებით ასპინძაში, ახალქალაქში, ბორჯომსა და ნინოწმინდაში პროფესიის დატოვების სანაცვლოდ, ჯილდოს მისაღებად საგანმანათლებლო რესურსცენტრებში 236 მასწავლებელი დარეგისტრირდა.

[sknews.ge]