"ახალციხელობაზე" გასამართი ღონისძიებების განრიგი

ახალციხე სახელობითი დღესასწაულისათვის ემზადება. ქალაქის მერია, დაგეგმილი ღონისძიებების კონკრეტულ პროგრამას აქვეყნებს.

გთავაზობთ ღონისძიებების განრიგს:

10:00 საათი – წირვა წმინდა შალვა ახალციხელის სახელობის მშენებარე ტაძარში (რუსთაველის ქუჩა);
11:00 საათი – თვითნასწავლი მხატვრის, მიხეილ იაძის მემორიალური დაფის გახსნა (კოსტავას ქუჩა);
11:00 საათი – მოტო-რბოლა "Castle Riders"-ის მონაწილეობით (ახალქალაქის გზატკეცილი);
11:15 საათი – სერგო ქობულაძის მემორიალური დაფის გახსნა (დიდიმამიშვილის ქ.N32);
13:30 საათი – გარბენი (კოსტავა, კეცხოველი, ნათენაძის ქუჩები);
13:30 საათი – რეწვის ოსტატების ნამუშევრების გამოფენა-გაყიდვა, ხალიჩების ფესტივალი, ღვინის სადეგუსტაციო გამოფენა-გაყიდვა, ფოტოგამოფენა "ძველი და ახალი ახალციხე" (ახალციხის ციხის ტერიტორია);
14:00 საათი – სპორტული ღონისძიებები: ჭიდაობა, მკლავჭიდი, ძიუდო (ახალციხის ციხის ტერიტორია);
14:00 საათი – თოჯინების თეატრის წარმოდგენა (ახალციხის ციხის ტერიტორია);
15:00 საათი – აღმოსავლური საბრძოლო ხელოვნების საჩვენებელი გამოსვლა;
17:00 საათი – დიდი ბრიტანეთიდან და სამხრეთ აფრიკიდან მოწვეული სტუმრების კონცერტი;
18:30 საათი – ოფიციალური მისალმება;
18:45 საათი – ხალიჩების მეორე საერთაშორისო ფესტივალის გახსნა;
19:00 საათი – საპატიო ახალციხელების დაჯილდოება;
19:20 საათი – გამარჯვებულების დაჯილდოება ნომინაციებში -"საუკეთესო ეზო", "საუკეთესო ქუჩა", "საუკეთესო კორპუსი";
19:40 საათი – ადგილობრივი ანსამბლებისა და ინდივიდუალური შემსრულებლების კონცერტი;
21:00 საათი – თეატრალური წარმოდგენა;
21:15 საათი – გალა კონცერტი;
22:15 საათი – ფოიერვერკი.

ახალციხის მერია "ახალციხელობის" დღესასწაულისათვის 55 000 ლარზე მეტს ხარჯავს. ქალაქის თვითმმართველობამ ღონისძიების ორგანიზებისთვის ორი ტენდერი გამოაცხადა. 38 000 ლარით ღონისძიების ორგანიზება იგეგმება, ხოლო 17 000 ლარი 27 კაციანი დელეგაციის სასტუმროთი უზრუნველყოფისთვის სჭირდებათ.

[sknews.ge]