რას ნახავს მაყურებელი "ახალციხელობის" დღესასწაულზე

"ახალციხელობაზე" დაგეგმილი ღონისძიებების კონკრეტულ პროგრამას, ახალციხის მერია აქვეყნებს. მათი ინფორმაციით, წმინდანისა და ეროვნული გმირის, შალვა ახალციხელის დღისადმი მიძღვნილი აქტივობების ძირითადად ახალციხის ციხის ტერიტორიაზე გაიმართება.

გთავაზობთ ღონისძიებების განრიგს:

14:00 საათი -
► მხატვართა და რეწვის ოსტატთა ნამუშევრების გამოფენა-გაყიდვა;
► მესხური სამზარეულოს გამოფენა-გაყიდვა;
► წიგნების გამოფენა-გაყიდვა;
► პარალელურად გაიმართება სპორტული ღონისძიებები:
✔ თავისუფალი ჭიდაობაში;
✔ ჭადრაკში – 18 წლამდე და 18 წლის ზევით.
✔ მკლავჭიდში –18 წლამდე და 18 წლის ზევით.
✔ ნარდში;
✔ „ბოდი ბილდინგის“- ჩვენება;

17:30 საათი - „ველოტური“- ქალაქის ცენტრალურ ქუჩებში;

18:00 საათი - კონცერტი ადგილობრივი ფოლკლორული და ქორეოგრაფიული ანსამბლების მონაწილეობით;

19:30 საათი - დაჯილდოების ცერემონია:
► სპორტის სახეობებში გამარჯვებულების დაჯილდოება;
► „ვეფხისტყაოსნის“ ზეპირად მცოდნე - თ. ხუციშვილის დაჯილდოება;
► „საპატიო ახალციხელის“ წარდგენა-დაჯილდოვება;

20:00 საათი - გალა კონცერტი: თემურ ყვითელაშვილს, სოფო ბედიას, ბორის ბედიასა და ანსამბლ "შვიდკაცას“, ასევე ქორეოგრაფული ანსამბლის "სუხიშვილების“ მონაწილეობით.

22:00 საათი - ფეიერვერკი.

[თაკო ფეიქრიშვილი, ახალციხე]