მინდია ენდელაძემ თურქეთის ღია პირველობაზე გამარჯვება მოიპოვა

როგორც, მინდია ენდელაძე „სამხრეთის კარიბჭესთან“ ამბობს, 400 მეტრ დისტანციაზე ირბინა. მასთან ერთად ჩემპიონატში მონაწილეობას 50–მდე სპორტსმენი იღებდა.

„ძალიან რთული იყო პირველი ადგილის მოპოვება, რადგან თურქეთს ძლიერი სპორტსმენები ჰყავს, თუმცა მაინც შევძელი გამარჯვება“,–გვითხრა მინდია ენდელაძემ.

თურქეთისა და საქართველოს გარდა, ღია ჩემპიონატში სხვადასხვა დისტანციაზე, ხუთამდე ქვეყნის სპორტსმენი იღებდა მონაწილეობას.

მინდია ენდელაძე, ევროპის გუნდური ჩემპიონატისათვის დაიწყებს მზადებას, რომელიც 10 და 11 აგვისტოს ხორვატიაში გაიმართება.

[ლუბა გიორგაძე, ახალციხე]