ახალციხელმა მძლეოსანმა ბაქოში ორი ოქროს მედალი მოიპოვა

საერთაშორისო შეჯიბრი 25–26 მაისს გაიმართა. მასში ქართველი და აზერბაიჯანელი სპორტსმენები მონაწილეობდნენ. მინდია ენდელაძე პირველ დღეს 400 მეტრზე გარბენში საუკეთესო დრო აჩვენა და პირველი ოქროს მედალი მოიპოვა, ხოლო მეორე დღეს 200 მეტრზე გარბენში ფინალში გადავიდა და გაიმარჯვა.

„საკმაოდ ძლიერი კონკურენტები მყავდა, თუმცა მეც მომზადებული ვიყავი, შეიძლება ითქვას, რომ ველოდებოდი გამარჯვებას“,– ამბობს მინდია ენდელაძე.

გამარჯვებული სპორტსმენი შვიდ ივნისს, ლიხტენშტეინში, ევროპის მცირე ქვეყნების ჩემპიონატზე მიემგზავრება.

[მარიამ ბარძიმაძე, ახალციხე]