ახალციხელმა მძლეოსანმა საერთაშორისო ჩემპიონატში ოსტატის წოდება მიიღო

შეჯიბრი თურქეთში, კერძოდ კი სტამბოლში, 16 თებერვალს გაიმართა. მასში მონაწილეობას სპორტსმენები 20 ქვეყნიდან იღებდნენ. საქართველოდან ნაკრები რვა კაცის შემადგენლობით ასპარეზობდა და მათ შორის ერთ–ერთი ახალციხელი მინდია ენდელაძე იყო. მან 400 მეტრ გარბენში პირველი ადგილი დაიკავა, ხოლო საქართველოს ნაკრებს რეკორდამდე 0,03 დააკლდა. შეჯიბრში მინდიას პერსონალური შედეგი 48.11 იყო, სწორედ ამიტომ მას ოსტატის წოდება მიენიჭა.

„ვთვლი, რომ ეს ერთ–ერთი მნიშვნელოვანი წარმატებაა ჩემთვის. საქართცველოს ისტორიაში მსგავსი შედეგი კიდევ ერთს ჰქონდა ენდი ზილბერშტეინს, ისიც ახალციხელია“, – ამბობს ენდელაძე და ამატებს, რომ უახლოეს პერიოდში მონაწილეობის მიღებას კიდევ ბევრ ჩემპიონატში გეგმავს – „ანტალიაში მიწევს წვრთნებზე წასვლა. ვემზადები 23 წლამდე ევროპის ჩემპიონატისთვისაც“.

[მარიამ ბარძიმაძე, ახალციხე]