ახალციხის მეხუთე სკოლის ჩამონგრეულ გალავანზე პასუხისმგებლობას მერია იღებს

N5 საჯარო სკოლის გალავნის ჩამონგრეული ნაწილისა და საფრთხის შესახებ, „სამხრეთის კარიბჭემ“ 2019 წლი იანვარში დაწერა. იმ პერიოდში, სამმეტრიანი კედლის გამონგრეული ნაწილი ღიად იყო დარჩენილი და სრული ჩამონგრევისგან ერთი ბოძი იკავებდა. მასალის გამოქვეყნების შემდეგ, გალავანი სკოლის მხრიდან, რკინის ბადით შემოსაზღვრეს მეორე მხრიდან კი, მანქანის საბურავები და თუნუქის მასალა მიაწყეს.

ექვსი თვის წინ, სკოლის ადმინისტრაციამ საფრთხის შემცველი კედლის შესახებ კომენტარი არ გააკეთა. ამ დროისათვის, საჯარო სკოლები ადგილობრივი თვითმმართველობების დაქვემდებარებაშია, ამიტომ აქ განსახორიელებელ ინფრასტრუქტურულ პროექტებზე პასუხისმბელობა მერიას ეკისრება.

ახალციხის მუნიციპალიტეტის მერიაში ამბობენ, რომ ეზოს გალავანი არა მხოლოდ ამ კონკრეტულ ადგილზე შეკეთდება, არამედ მთლიანად გამოიცვლება, თუმცა ეს როდის მოხდება, უცნობია: „მუნიციპალიტეტი სკოლებში აკეთებს მცირე ინფრასტრუქტურულ პროექტებს. მეხუთე სკოლის ღობე წელს გაკეთდება“, – განაცხადეს ახალციხის მუნიციპალიტეტის მერიის საზოგადოებასთან ურთიერთობის სამსახურში.




[თორნიკე ზაზაძე, ახალციხე]