სკოლის კედლიდან ‘ქურდული’ სიმბოლიკა წაშალეს

სკოლის შენობის კედელზე „ქურდული“ სიმბოლიკის შესახებ „სამხრეთის კარიბჭემ“ მასალა დღეს, 16 ივლისს დაწერა. გამოქვეყნებიდან ორ საათში, რვაქიმიანი ვარსკვლავი გაფხიკეს.

საავტომობილო გზიდან, შენობის კედელზე დახატული ვარსკვლავი მას შემდეგ გამოჩნდა, რაც კომპანია „არალმა“ რუსთაველის ქუჩაზე გზის სარეაბილიტაციო სამუშაოები დაიწყო და სკოლის ღობის კედელი ჩამოხსნა.

ვინ წაშალა ვარსკვლავი, უცნობია. სკოლის დირექტორს, ინგა ვარდიძეს „სამხრეთის კარიბჭე“ ვეღარ უკავშირდება. პირველი მასალის გამოქვეყნებისას კი მან განმარტა, რომ ვარსკვლავი ღობის ჩამოხსნამდე შენობაზე არ იყო დახატული, თუმცა მოსწავლეებმა რედაქციას ამ კედელთან მაისში გადაღებული სურათები გამოუგზავნეს, სადაც რვაქიმიანი ვარსკვლავი ჩანს.

მოზარდების ინტერესებიდან გამომდინარე, მოსწავლეების მიერ გადაღებულ ფოტოებს „სამხრეთის კარიბჭე“ არ ასაჯაროებს.



[თორნიკე ზაზაძე, ახალციხე]