ახალციხის N5 სკოლის სამლოცველო ოთახიდან ხატები გაიტანეს

სკოლიდან ხატები ივლიტის ღვთისმშობლის სახელობის ტაძრის დეკანოზმა იოანე გელაშვილმა გაიტანა. მან ამ საკითხთან დაკავშირებით „სამხრეთის კარიბჭესთან“ საუბარი არ ისურვა.

სკოლის დირექტორი ინგა ვარდიძე კი ამბობს, რომ ახლა ამ ოთახში დამლაგებლების გასახდელია: „შიგნით რამდენიმე კარადა და მაგიდა დავდგით“.



ახალციხის მეხუთე საჯარო სკოლის პირველ სართულზე, ერთ-ერთ ოთახში მართლმადიდებლური ხატები იყო გაკრული, ასევე მოწყობილი იყო სასანთლე და კანდელი. აქვე ეწყო ლოცვის წიგნებიც, კარებზე კი გაკეთებული იყო წარწერა - „სამლოცველო“. აქ როგორც მასწავლებლები, ისე მოსწავლეები ლოცულობდნენ.
მას შემდეგ რაც ამის შესახებ „სამხრეთის კარიბჭემ“ სტატია გამოაქვეყნა, სამლოცველო ოთახი დაკეტეს და ხატები ეკლესიას გადასცეს.

[თორნიკე ზაზაძე, ახალციხე]