ახალციხის ორ უბანს წყალი არ მიეწოდება

„ხუთსართულიანებისა“ და „ვერი პლანის“ დასახლებებში წყალი დღეს, 12 ივლისს, დაახლოებით 11:00 საათზე შეწყდა. „გაერთიანებული წყალმომარაგების კომპანიაში“ განმარტავენ, რომ პრობლემა საერთო ქსელზე, დასახლებების მახლობლად შეიქმნა.

„ხაზზეა დაზიანება, „ხუთსართულიანებიდან“ 20-30 მეტრში. ბრიგადა გასულია და აკეთებენ. დაახლოებით ორ საათში აღდგება მიწოდება“, - განმარტავს სამცხე–ჯავახეთში წყალმომარაგების კომპანიის მენეჯერი, ბესიკ ფილაური.

ამ დასახლებებში მცხოვრებლებს წყალი 24 საათიანი რეჟიმით მიეწოდებათ.

[თაკო ფეიქრიშვილი, ახალციხე]