ახალციხეში 12 ქუჩას წყალი არ მიეწოდება

დღეს, 17 მარტს, ქალაქ ახალციხეში 748 აბონენტს წყლის მიწოდება ხუთი საათით შეუწყდა. როგორც „გაერთიანებული წყალმომარაგების კომპანიაში“ აცხადებენ, ამ დროისათვის წყალი არ აქვთ მებაღიშვილის, თაბუკაშვილის, თაყაიშვილის, მანველიშვილის, წმ. ანდრია პირველწოდებულის, ორბელიანის, გორგასლის, მესხეთის, წერეთლის, ახვლედიანის, დანიელაშვილისა და იაძის ქუჩებზე მცხოვრებლებს.

„მესხეთის ქუჩაზე დაზიანებულია წყალსადენის მილი, მიმდინარეობს სამუშაოები, რის გამოც წყალმომარაგება შეუწყდებათ 13:00 საათზე სულ 748 აბონენტს. წყალმომარაგება აღდგება 18:00 საათზე“, - აცხადებენ კომპანიაში.

[თაკო ფეიქრიშვილი, ახალციხე]