სამხარეო ადმინისტრაციაში პრეზიდენტის ვიზიტზე კომენტარს არ აკეთებენ

ფოტოზე: პრეზიდენტი და მხარის გუბერნატორი რესტორან "ლომსიადან" გამოდიან

საქართველოს პრეზიდენტის რწმუნებულმა სამცხე-ჯავახეთის მხარეში ივანე წიკლაურმა, რომელმაც პრეზიდენტთან ერთად ისადილა, "სამხრეთის კარიბჭესთან" შეხვედრა არ ისურვა.

შეგახსენებთ, რომ საქართველოს პრეზიდენტი მიხეილ სააკაშვილი დღეს სამცხე-ჯავახეთს სტუმრობდა. დღის პირველ ნახევარში იგი ახალქალაქის ქართულსა და სომხურ სკოლებს ეწვია, მოგვიანებით ახალციხეში, ვანო მერაბიშვილის მშობლების ოჯახი მოინახულა, შემდეგ სასტუმრო "ლომსიაში" ისადილა, გამოსვლისას კი ერთ-ერთ ადგილობრივთან შელაპარაკება მოუხდა.

ახალციხეში სტუმრობის მიზანი მოგვიანებით პრეზიდენტმა უმცირესობასთან შეხვედრისას განმარტა.

"დღეს ვიყავი ვანო მერაბიშვილის მშობლებთან [და ვნახე], როგორ მოკრძალებულად ცხოვრობს ეს ხალხი. პატარა მიწის ნაკვეთი აქვთ ძალიან მაგრად მოვლილი, მაგრამ უბრალოდ და შეიძლება ითქვას ხელმოკლედ ცხოვრობენ", - განაცხადა პრეზიდენტმა.

[თამარ თოთაძე, ახალციხე]