ახალციხე–ასპინძის გზაზე გადმოსული მიწის მასაში ტრაილერი და მიკროავტობუსი ჩარჩა [ფოტო]

ახალციხე–ასპინძის გზაზე მძიმე ტექნიკა და სამაშველო სამსახური მუშაობს. იმ მონაკვეთზე, სადაც „ფორდის მარკის“ მიკროავტობუსი იყო ჩარჩენილი გზა რამდენიმე წუთის წინ, გაიწმინდა. ამ ეტაპზე მიწის მასიდან ტრაილერის ამოყვანა მიმდინარეობს. მოძრაობა შეფერხებულია.

შემთხვევის შედეგად არავინ დაშავებულა.

ახალციხეში, დღეს, 28 ივნისს, ძლიერი წვიმა 17:30 საათზე დაიწყო, უხვმა ნალექმა ქალაქში პრობლემები შექმნა. დაიტბორა თამარაშვილის ქუჩა, წყალი შევარდა საცხობში, სარდაფებში, ავტოფარეხებში და საცხოვრებელი სახლების ეზოებში.



[sknews.ge]