დატბორილია სარდაფები და ავტოფარეხები – ძლიერი წვიმა ახალციხეში [ფოტო]

ძლიერი წვიმა და ქარი ახალციხეში დღეს, 28 ივნისს 17:30 საათზე დაიწყო. სტიქიამ ყველაზე მეტად თამარაშვილის ქუჩის მოსახლეობა დააზარალა.

„სარდაფში შემოვარდა წყალი, პროდუქტი და სხვა საყოფაცხოვრებო ნივთები დაასველა. მოვასწარი და ღვარცოფს მიმართულება შევუცვალე, თორემ სარდაფი აივსებოდა“, – ამბობს თამარაშვილის ქუჩაზე მცხოვრები პავლე თუმანიშვილი.

ადგილობრივები ამბობენ, რომ მათ ქუჩაზე სანიაღვრე არხი არ არის და ყოველი წვიმის დროს მსგავსი პრობლემა აქვთ.
წყალი შევიდა თამარაშვილის ქუჩაზე მდებარე პურის საცხობშიც. თანამშრომლებმა მხოლოდ რამდენიმე ტომარა ფქვილის გადარჩენა შეძლეს, დატბორილია ტექნიკა და დასველებულია ფქვილი.

ძლიერმა წვიმამ პრობლემები შექმნა გრიგოლ ხანძთელზეც. აქაც დატბორილია ეზოები.













[თორნიკე ზაზაძე, ახალციხე]