ასპინძის გზაზე კლიდიდან ჩამოწოლილმა მასამ ტრაილერი მოიყოლა

შემთხვევა, 8 ივლისს, დაახლოებით 23:00 საათზე მოხდა, მას მსხვერპლი არ მოჰყოლია.

ადგილობრივების განმარტებით, წვიმის შედეგად, საავტომობილო გზაზე კლდიდან მასა ჩამოწვა, ტრაილერი, კი რომელიც გზაზე მოძრაობდა მაშალ მასალაში ჩაეფლო, რის გამოც გზა გადაიკეტა.

„ნალექი დიდი და ხანგრძლივი არ იყო, მაგრამ წყალმა ჩამოიტანა მასა და ჩახერგა გზა. ტრაილერის მძღოლი აღმოჩნდა ცუდ სიტუაციაში. ამ წუთებში გზა იწმინდება და ყველაფერი კარგად არის“, – განმარტავს ასპინძის მუნიციპალიტეტის მერი როსტომ მაგრაქველიძე.

ჩახერგილ გზას, საავტომობილო გზების დეპარტამენტისა და ადგილობრივი თვითმმართველობის ტექნიკა ამ წუთებში [12:06] წმენდს. ადგილზე მუშაობენ სამაშველო სამსახურის ბრიგადებიც – "მოძრაობა ინტენსიური არ არის, დაახლოებით რამდენიმე წუთში გზის ნაწილი გაიხსნება", – განმარტავენ სახანძრო–სამაშველო სამსახურში.

გზის ჩახერგვის გამო, ადგილზე გაჩერებულია თხუთმეტამდე მსუბუქი და სატვირთო ავტომანქანა.

[თაკო ფეიქრიშვილი, ასპინძა]