FM97.5 / LIVE

თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია

მთავარისიახლე, საზოგადოება 01.07.2019
ახალციხეში, თამარაშვილის ქუჩაზე, ძლიერი წვიმის შედეგად, N33 კორპუსის მიმდებარედ დატბორილი ეზოები, მესამე დღეა, სილისგან გასაწმენდია. ნარჩენებით გაბიდნულია საკანალიზაციო არხიც, საიდანაც წყალი პურის საცხობში ჯერ ისევ ჟონავს.

თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია

28 ივნისის სტიქიის შემდეგ, თამარაშვილის ქუჩის N33-ისა და N35 ა-ს მიმდებარედ, ეზოებში კვლავ ლამი და სილაა. აქ მცხოვრებლები ამბობენ, რომ ტალახისა და ლამის გამო, ავტოფარეხეში მანქანები ვერ შეჰყავთ: „არავინ მოსულა მას შემდეგ გასაწმენდად, არადა, გვჭირდება. აქ ეზოში ბავშვებიც თამაშობენ და ლამია სულ, სად უნდა გავუშვათ“.

ქუჩაზე მცხოვრებლებისთვის ყველაზე დიდ პრობლემას სანიაღვრე, ღია არხი წარმოადგენს. მათი თქმით, ეზო იმიტომ დაიტბორა, რომ აქ არსებული საინაღვრე არხი ბოლოს წლების წინ გაიწმინდა, ახლა კი ნაგვით არის სავსე. სტიქიის დროს, სწორედ ის ჩაიკეტა და წყალმა ეზოები დატბორა. უკვე მესამე დღეა, ამავე არხიდან იჟონება წყალი პურის საცხობში. მისი მეპატრონე ამბობს, რომ ფურნეში ყველაფერი დაზიანდა და ობიექტი გასაუქმებელია.

„დღეში რვაჯერ ვწმინდავ თონეს. სულ დაზიანდა შენობა და თონეც დასკდა. არხი გაბიდნულია სილით და ნარჩენებით, იქ წყალი აღარ გადის და საცხობში შემოდის. არხი უნდა გაიწმინდოს, მაგრამ ყურადღებას არავინ ააქცევს. ბოლოს ეგ არხი შვიდი წლის წინ გაწმინდეს, ეგ იყო და ეგ. ვიყავი მერიაშიც, მაგრამ საბოლოოდ, რა უნდა ვქნა და ვინ უნდა დამეხმაროს, ვერ გავიგე“, - ამბობს ფურნის მეპატრონე გიორგი მელიქიძე

არხის გაწმენდის აუცილებლობაზე საუბობენ თამარაშვილის ქუჩის მცხოვრებლებიც. „ ეს არხი მთლიანად უნდა გაიწმინდოს, იმიტომ, რომ გაბიდნულია, მაგრამ არავინ ინტერესდება. ფული არ არისო, მეუბნებიან. მაინტერესებს, სარეზერვო ფონდი რისთვის არსებობს, თუ ასეთ რთულ მდგომრეობაში არ დაეხმარნენ ადამიანს“, - ამბობს პავლე თუმანიშვილი.

ეზოს დატბორვის მიზეზად, ადგილობრივების ნაწილი სანიაღვრე არხზე არსებულ შენობებსაც ასახელებს. მათი თქმით, ავტოფარეხები და სათავსოები, რომლებიც მცხოვრებლებმა არხზე ააშენეს, პრობლემას ქმნის.

„შენობების გაშენებამ დაკეტა არხი. რკინის „გარაჟები“ გამოიტანეს, შენობები გადმოდგეს და დაინგრა აქაურობა. ადრეც მოდიოდა აქ წყალი, მაგრამ ახლა ვეღარ დაეტია არხში და გადავიდა. დასაწყისში არხის სიღრმე ორი მეტრია, მაგრამ ბოლოსკენ ამოივსო სილით და ერთი მეტრი დარჩა. ახლა 82 წლისა ვარ და ბოლოს რომ გაიწმინდა, ალბათ 60 წლისა ვიყავი“, - ამბობს სარგის ერეგიანი.

მცხოვრებლები მიიჩნევენ, რომ ადგილობრივი თვითმმართველობა არხის გაწმენდით დაინტერესებული არ არის, რადგან ამისთვის დიდი თანხაა საჭირო. „ამბობენ, ტრაქტორი ვერ მიუდგება რომ გაწმინდოსო. მაგას ტექნიკა კი არა, მონდომება უნდა, მაგრამ ამ არხის გაწმენდას დაახლოებით 5 000 ლარი დასჭირდება და მაგისი გამოყოფა არავის უნდა“, – ამბობს ერთ–ერთი მცხოვრები.

ახალციხსი მერიის ინფორმაციით, დატბორილ ადგილებს მერიის ტექნიკა გაწმენდს, თუმცა ისინი ამინდის გაუმჯობესებას ელოდებიან: „მეორე დღესვე იყვნენ მისულები გასაწმენდად, მაგრამ თქვეს, ქვეშ სველია და ასე თუ აიფხიკება ნარჩენები, მის ქვეშ ასფალტი დაზიანდებაო. როგორც კი კარგად გაშრება, მერია უზრუნველყოფს ეზოების გაწმენდას“, - ამბობენ მერიის საზოგადოებასთან ურთიერთობის სამსახურში.

რაც შეეხება სანიაღვრე არხს, ახალციხის მერიაში ამბობენ, რომ მუნიციპალიტეტი არხის მხოლოდ იმ ნაწილს გაწმენდს, რომელიც საავტომობილო გზის ქვეშ არ გადის: „არხის ის მონაკვეთი, რომელიც საავტომობილო გზის ქვეშ არის მოქცეული, გზების დეპარტამენტის გასაწმენდია. დანარჩენს მუნიციპალიტეტი გაწმენდს. მიუხედავად იმისა, რომ არხი ცოტა ავარიულია“, - აცხადებენ მერიაში.

ძლიერი წვიმა და ქარი ახალციხეში 28 ივნისს, 17:30 საათზე დაიწყო. სტიქიამ ყველაზე მეტად თამარაშვილის ქუჩის მოსახლეობა დააზარალა.

თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია

თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია

თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია

[თაკო ფეიქრიშვილი, ახალციხე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

რატომ იტბორება ყოველი წვიმის დროს  თამარაშვილის ქუჩა
სახიფათო ტროტუარი თამარაშვილის ქუჩაზე [ფოტო/ვიდეო]
თამარაშვილის ქუჩაზე სანიაღვრე არხის გაწმენდა დაიწყეს
თამარაშვილის ქუჩაზე სანიაღვრე არხის რეაბილიტაცია მიმდინარეობს
თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა
ახალციხეში თამარაშვილის ქუჩა ისევ დაიტბორა [ფოტო]
ცხაურის გარეშე დარჩენილი სანიაღვრე არხი ახალციხეში [ფოტო]