კახარეთის სკოლაში ახალ საპირფარეშოს ააშენებენ

კახარეთის სკოლის ეზოში საპირფარეშოს, რომლის კედლებიც ავარიულია, კარი არც ბიჭების და არც გოგოების კაბინას აქვს. ტუალეტში ქაღალდი არის, თუმცა ჰიგიენური ნორმები დაცული არაა. სკოლაში ამბობენ, რომ ტუალეტი უკვე სამი წელია ამ მდგომარეობაშია.

კახარეთის სკოლის საპირფარეშოს მოსაწესრიგებლად 110 460 ლარის ღირებულების ტენდერია გამოცხადებული.

„350 000 ლარი საქართველოს მთავრობის განკარგულებით გადმოგვეცა, ამაში საპროექტო დოკუმენტაციის შედგენაც შედის. ოთხი სკოლიდან ზოგგან რეაბილიტაცია მოხდება, ზოგგან კი აშენდება ყველა სტანდარტის დაცვით“, - გვითხრა შესყიდვების სამსახურის თანამშრომელმა, თეა ბოჩიკაშვილმა.

კახარეთის სკოლის გარდა საპირფარეშოები უდის მეორე, დიდი ზანავისა და ფხეროს საჯარო სკოლებში მოეწყობა.

[ავთო ინასარიძე, ადიგენი]