გედევან ფოფხაძე: ‘სადაც გახარიაა, იქ არის სისხლი და ცხედრები’

“რაც ხდებოდა 20 ივნისს, ამას არანაირი მორალური სტანდარტი არ აქვს. ჩვენ ომი გამოვუცხადეთ საკუთარ ხალხს. მეტიც არც გამოვუცხადეთ, გამოცხადების გარეშე დაიწყო ეს ყველაფერი. 15 წუთთ ადრე პრემიერი გვპირდებოდა ყველას, რომ ეს არ არის “ქართული ოცნების“ სტანდარტი, რომ სისხლი არ დაიღვრება, რეზინის ტყვიები არ იქნება, მომწამლავი გაზი არ იქნება… 15 წუთის მერე დაიწყო შტურმი საკუთარ ხალხზე. და იქ “ნაციონალების“ ფაქტორით ყველაფრის გადაფარვა ამორალურია. ეს არის რეალობა, სადაც არის გახარია, იქ არის სისხლი და ცხედრები“ – განაცხადა გედევან ფოფხაძემ.

მან, წინა საარჩევნო კამპანიისას სამეგრელოში ია კერზაიას გარდაცვალებაც გაიხსენა. ფოფხაძის თქმით, გახარია უნდა გადადგეს –„ვისაც რა უნდა, ის თქვას. ჩვენ გვაქვს პასუხისმგებლობა ხალხის წინაშე და “ნაციონალების“ ფაქტორით ამ პასუხისმგებლობას ვერავინ გაექცევა. ეს პასუხისმგებლობა აქვს გიორგი გახარიასაც და ნებისმიერ ჩვენგანს.“

[sknews.ge]