აქციის ორგანიზატორები: 24 ივნისს 14:00 საათზე ავტოკოლონა შსს-კენ სიგნალებით გაემართება

რუსთაველის გამზირზე აქციის ორგანიზატორებმა, ხვალ, 14:00 საათზე კიდევ ერთი აქტივობა დაანონსეს.

„ხვალ, 14:00 საათზე ავტოკოლონა, რომელიც იღებს სათავეს რესპუბლიკის მოედნიდან და ჩადის შინაგან საქმეთა სამინისტრომდე სიგნალით. ვისაც სურვილი გაქვთ, შემოგვიერთდით. ვინც ქუჩაში იქნებით, გააჩერეთ მანქანა და დაასიგნალეთ. ვაჩვენოთ რამდენი ვართ მთელი საქართველოს მასშტაბით“,- განაცხადა ორგანიზატორმა.

დღეს, 23 ივნისს რუსთაველის გამზირზე აქცია განახლდა, უკვე მეოთხე დღეა თბილისში საპროტესტო აქციები იმართება. აქციის მონაწილეების მოთხოვნები უცვლელი რჩება, ისინი შს მინისტრის გიორგი გახარიას გადადგომას, 2020 წლის საპარლამენტი არჩევნების პროპორციული სისტემით ჩატარებას და 20-21 ივნისის მოვლენების დროს დაკავებულების გათავისუფლებას ითხოვენ.

აქციაზე იმყოფებიან ოპოზიციური პარტიების წარმომადგენელიც.

[sknews.ge]