აქციის ორგანიზატორებმა გახარიას გადასადგომად ვადა, ორ საათამდე მისცეს

ამის შესახებ აქციის ორგანიზატორებმა გუშინ, 22 ივნისს პარლამენტის შენობის წინ განაცხადეს.

გუშინ აქცია იგივე მოთხოვნებით 19:00 განახლდა და გვიანობამდე გაგრძელდა. აქციის განმავლობაში, რამდენიმე მცირე ინციდენტსაც ჰქონდა ადგილი. მონაწილეებმა აქციაზე მისული ოპოზიციური ლიდერების მისვლა გააპროტესტეს და მათ აქციის დატოვებისკენ მოუწოდებდნენ, თუმცა სიტუაცია მალე დასტაბილურდა და ორგანიზატორებმა სიტყვით გამოსვლის უფლება ოპოზიციურ ლიდერებსაც მისცეს.

აქციის დასასრულს, დემონსტრანტებმა "ქართული ოცნების" ოფისთან გადაინაცვლეს და წუხანდელი აქცია ამით დაასრულეს.

შეგახსენებთ, რომ აქციის მონაწილეები შს მინისტრის გიორგი გახარიას გადადგომას და არჩევნების პროპორციული წესით ჩატარებას ითხოვენ. გარდა ამისა, მათი მოთხოვნა 20 ივნისს დაკავებულების გათავისუფლება და მოძალადე პოლიციელების დასჯაა.

[sknews.ge]