თბილისში აქციები განახლდა, მონაწილეები გახარიას გადადგომისთვის სამ საათიან ვადას აძლევენ [ვიდეო]

აქციაზე გამომსვლელებმა დღევანდელ შეკრებას "ახალგაზრდული რევულუცია" უწოდეს, რასაც აქციის მონაწილეების მხრიდან ოვაციები მოჰყვა. მონაწილეების მიერ რუსთაველის გამზირი ამ დროისთვის გადაკეტილია. ტერიტორიაზე სამართალდამცველები არიან მობილიზებული.

აქციის მონაწილეთა განცხადებით, არ შეიძლება მოქალაქეების დასახიჩრება, როდესაც ისინი რუსეთის ოკუპაციას აპროტესტებენ.

აქციას შეუერთდნენ ახალციხიდანაც, როგორც „ევროპული საქართველოს“ ახალციხის რაიონული ორგანიზაციის თავმჯდომარე გელა დემეტრაძე ამბობს, ახალციხიდან პარტიის მხარდამჭერების მობილიზება არ მომხდარა.

„საშინელება იყო როდესაც უიარაღო საპირისპიროდ იარაღი იყო გამოყენებული, რამდენიმე ადამინის სიცოცხლის გადარჩენაზეც ზრუნავენ ექიმები. დიდი პროტესტი გამლოიწვია და ჩემი აზრით, ჩვენი ხელისუფლება ნელა–ნელა გვაპარებდა რუსულ ნარატივს. ხან კულტურის სფეროების ჩამოყვანით, ხან პოლიტიკოსებით და გუშინ მოაწყვეს პიკი. ძალიან კარგი რომ გამოფხიზლდა საზოგადოება და თვალნათლივ დაინახეს და უთხრეს ხელისუფლებას უარი. არა რუსეთს! ჩვენ ვართ თავისუფლების მოყვარული ერი და ჩვენ ჩვენს თვაისუფლებას სისხლის ფასად დავიცავთ“,–განაცხადა გელა დემეტრაძემ.

პარლამენტის მიმდებარე ტერიტორიის პარალელურად, სტუდენტების აქცია მიმდინარეობს თბილისის ივანე ჯავახიშვილის სახელმწიფო უნივერსიტეტის პირველი კორპუსის ეზოში. ისინი თბილისში 20 ივნისის აქციის დარბევას აპროტესტებენ. სტუდენტები აცხადებენ, რომ კრიზისიდან ერთადერთი მშვიდობიანი გამოსავალი 2020 წლის საპარლამენტი არჩევნების პროპორციული სისტემით ჩატარებაა. თუმცა, ისინი ეწინააღმდგებიან ბრძოლის გაგრძელებას პოლიტიკოსებთან ერთად.









ფოტო–ვიდეო: ნინო ნარიმანიშვილი

[sknews.ge]