წაღვერში კულტურის სახლს რეაბილიტაცია ჩაუტარდება

შენობის რეაბილიტაციას წლის გამორჩეულ პროექტს უწოდებს ბორჯომის მერის მოადგილე ბუბა ბერიძე: „შენობა 1970-იან წლებშია აშენებული და მას შემდეგ არ გარემონტებულა. წელს ეს ჩვენი ერთ-ერთი გამორჩეული პროექტია. ეს შენობა ყოველთვის იყო ერთ-ერთი კულტურული ცენტრი რეგიონში“.

საპროექტო დოკუმენტის მიხედვით, ორსართულიანი შენობა ადაპტირებული იქნება შშმ პირებისთვის. წაღვერის კულტურის სახლში საგამოფენო, საცეკვაო და საკონცერტო დარბაზები იქნება.

პროექტის 80%–ს დააფინანსებს რეგიონული განვითარების სამინისტრო, ხოლო 20%–ს – ბორჯომის მუნიციპალიტეტი. პროექტის სავარაუდო ღირებულება 1 094 184 ლარია.

[ავთო ინასარიძე, ბორჯომი]