აბასთუმნის ობსერვატორიას რეაბილიტაცია ჩაუტარდება

აბასთუმნის ობსერვატორიაში ყველაზე დიდი ტელესკოპის, AZT-11-ის შენობა, გარემონტდება. ასევე, გაკეთდება კაფე, პარკინგი და საზოგადოებრივი საპირფარეშოები. დაგეგმილია დასახლებული ტერიტორიის კეთლმოწყობაც.

სამშენებლო სამუშაოებისთვის ტენდერი მუნიციპალური განვითარების ფონდმა გამოაცხადა. შესყიდვის სავარაუდო ღირებულება 2 549 330 ლარია. ტენდერში მონაწილეობა ოთხმა კომპანიამ მიიღო, ამ ეტაპზე მათი შერჩევა–შეფასება მიმდინარეობს.

ობსერვატორია 1932 წელს ევგენი ხარაძემ დააარსა და ის პირველი სამთო ასტროფიზიკური ობსერვატორიაა ყოფილ საბჭოთა კავშირში. ობსერვატორიის სამეცნიერო კვლევების ძირითადი მიმართულებებია გალაქტიკების, ვარსკვლავების, მზის სისტემების ცდომილების და ზედა ატმოსფეროს შესწავლა. ობსერვატორიას წელიწადში, დაახლოებით, 10 ათასი ტურისტი სტუმრობს. დღეს აქ 125 ადამიანია დასაქმებული.

[sknews.ge]