ფოკის დედათა მონასტერთან და ფარავნის ტბაზე ტურისტული ინფრასტრუქტურა მოეწყობა

ნინოწმინდის მუნიციპალიტეტში ტურისტული ინფრასტრუქტურის მოწყობაზე ცქიტიშვილმა დღეს, პირველ ივნისს ნინოწმინდაში სტუმრობის დროს ისაუბრა."წმინდა ნინოს გზის" მსვლელობაში მონაწილეებს საშუალება ჰქონდათ ენახათ ის მაკეტები, რის მიხედვითაც იგეგმება ფოკის და ფარავნის ტბის მიმდებარე ტერიტორიის მოწესრიგება.

„ნინოწმინდაში გვაქვს დაგეგმილი ძალიან მნიშვნელოვანი ინფრასტრუქტურული პროექტები , რაც გულისხმობს ფოკას დედათა მონასტრის და ფარავნის ტბის მიმდებარე ტერიტორიაზე ტურისტული ინფრასტრუქტურის შექმნას, პარკინგების, ვიზიტორთა ცენტრის, ასევე სუვენირების მაღაზიებს აშენებას. ასეთი ინფრასტრუქტურის მოწყობის შემდეგ , აქაურობა არა მხოლოდ მომლოცველებისთვის იქნება ძვირფასი და მნიშვნელოვანი, არამედ ტურისტებისთვისაც, რომლებიც ისედაც მრავლად სტუმრობენ“, – განაცხადა მაია ცქიტიშვილმა.

მისი თქმით, მომდევნო კვირას სამშენებლო სამუშაოების დასაწყებად ტენდერი გამოცხადდება.





[sknews.ge]