ახალქალაქის სამმართველოსთან აქცია დაიშალა

სამმართველოს უფროსთან, კიმ კუგოიანის მამისა და „ნაცინალური მოძრაობის“ ადგილობრივი ორგანიზაციის თავმჯდომარის, აშოტ რაისიანის მოთხოვნა კიმ კუგოიანის გათავისუფლება იყო. დაახლოებით ნახევარ საათიანი შეხვედრის შემდეგ, მხარეები გარკვებულ შეთანხმებამდე მივიდნენ.

„მე პირადად, დავპირდი პოლიციას, რომ კიმ კუგოიანი ითანამშრომლებს გამოძიებასთან. არ დატოვებს ქვეყანას და მაშინ მივა სამმართველოში, როცა გამოიძახებენ“, – განაცხადა სამმართველოს უფროსთან მოლაპარაკების შემდეგ, აშოტ რაისიანმა.

მისივე თქმით, კიმ კუგოიანის გათავისუფლება დღეს შეუძლებელია, რადგან მას აღკვეთის ღონისძება 27 მაისს უნდა შეეფარდოს.

შეხვედრის დასრულების შემდეგ, სამმართველოსთან შეკრებილებმა აქციის დაშლის გადაწყვეტილება მიიღეს. მათ სამმართველოს ტერიტორია უკვე დატოვეს.

კიმ კუგოისნი, ამ დროისათვის, ახალციხის დროებითი მოთავსების იზოლატორში იმყოფება.

ცეცხლსასროლი იარაღის მართლსაწინააღმდეგო შეძენა, შენახვა, ტარებას ედავება. გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს.

[sknews.ge]