დარღვევა აბასთუმნის საარჩევნო უბანზე

N2 აბასთუმნის საარჩევნო უბანზე ხმის დათვლის პროცედურა ისე დაიწყო, რომ გამოუყენებელი ბიულეტენები და სამაგიდო სიები არ დალუქულა.

კომისის წევრებმა გამოუყენებელი ბიულეტენები მას შემდეგ დაითვალეს და დალუქეს, რაც "სამართლიანი არჩევნების" დამკვირვებელმა მათ შენიშვნა მისცა. თეონა მაისურაძემ უბანზე პირველი საჩივარი დაწერა.

ახალგაზრდა იურისტთა ასოციაციის გორის ოფისის ხელმძღვანელის ქეთევან ბებიაშვილის განმარტებით, მსგავსი ქმედება საარჩევნო კოდექსის პროცედურული დარღვევაა.

"საარჩევნო ყუთის გახსნამდე, გამოუყენებელი ბიულეტენები უნდა დალუქულიყო, თუმცა იმ შემთხვევაში, თუ უბანზე რაიმე ექსცესს არ ჰქონია ადგილი, ყველა ბიულეტენი საღია და არცერთია დაზიანებული, შესაძლებელია თავმჯდომარემ, მოადგილემ და მთვლელებმა დაწერონ ახსნა-განმარტებითი ბარათები და ბიულეტენები შემდეგ დალუქონ. ოღონდ მხოლოდ იმ შემთხვევაში, თუ ბიულეტენები არ არის დაზიანებული“.

[sknews.ge]