ნინოწმინდის 5 სოფელს მეორე დღეა ელექტროენერგია არ აქვს

მაღალი ძაბვის გადამცემი ხაზი ნინოწმინდის მუნიციპალიტეტში გუშინ, 18 მაისს, დღის მეორე ნახევარში დაზიანდა.

დენის გარეშეა დარჩენილი შემდეგი სოფლები: ორაჯალარი, ყაურმა, ეშტია, თორია და უჯმანა.

როგორც კომპანია „ენერგო–პრო–ჯორჯიაში“ განმარტავენ, დაზიანებული ხაზის შესაკეთებლად სპეციალური ტექნიკაა საჭირო.

„ხაზი იმდენად მაღალია, რომ ადგილობრივი ტექნიკა ვერ მიუდგა სამუშაოდ, გამოძახებულია სპეცტექნიკა და ხვალ, 20 მაისს დილით ადრე დაამთავრებენ სამუშაოებს“, – აცხადებენ კომპანიის საზოგადოებასთან ურთიერთობის სამსახურში.

რა გახდა მაღალი ძაბვის გადამცემი ხაზის დაზიანების მიზეზი ამ ეტაპზე უცნობია.

დენის მიწოდება ხვალ, 20 მაისს 09:00 საათზე აღდგება.

[თინათინ ზაზაძე, ნინოწმინდა]