‘ძალიან გვთხოვეს საკრებულოდან და წამოვყევით’– ამომრჩევლები უბანზე არლის რწმუნებულმა მიიყვანა

ერთ–ერთი ქალი, რომელიც დავით აკოფაშვილის მანქანიდან გადმოვიდა ამბობს, რომ მერის წარმომადგენელმა ის არლიდან წამოიყვანა: „ძალიან გვთხოვეს საკრებულოდან და წამოვყევით“.

მერის წარმომადგენელი კი ირწმუნება, რომ აღნიშნული პირები აბასთუმანში იმყოფებოდნენ და მანქანით მხოლოდ საარჩევნო უბნამდე მიიყვნა.

ხმის მიცემის შემდეგ, სამივე მათგანი ისევ დავით აკოფაშვილმა წაიყვანა.

ახალგაზრდა იურისტთა ასოციაციის გორის ოფისის ხელმძღვანელი ქეთი ბებიაშვილის განცხადებით, ეს ამომრჩევლის ნებაზე ზემოქმედებაა.

"ეს არის ირიბად ადმინისტრაციული რესურსის გამოყენება და ირიბად ამომრჩევლის ნებაზე ზემოქმედებაა, აქ საეჭვოა ისიც რომ რწმუნებული არის სხვა სოფლიდან და არა აბასთუმნიდან, არგუმენტები რომ გზაზე შეხვდნენ და წაიყვანა კითხვის ნიშნის ქვეშ არის", – განმარტავს ქეთი ბებიაშვილი.

[sknews.ge]