ამომრჩევლის აქტივობა აბასთუმანში 10:00 საათისთვის

საარჩევნო უბნის თავმჯდომარის იაკობ კიკნაველიძის განმარტებით, საარჩევნო პროცესი მშვიდ ვითარებაში მიმდინარეობს. 10:00 საათის მონაცემებით უბანზე საჩივარი არ დაწერილა.

N2 აბასთუმნის საარჩევნო უბანზე 1 124 ამომრჩეველია, აქედან 33 გადასატანი ყუთის საშუალებით გააკეთებს არჩევანს.

აბასთუმნის შუალედურ არჩევნებში, საკრებულოში მოსახვედრად კენჭს ცხრა კანდიდატი იყრის, თუმცა მათგან მხოლოდ ერთმა, "ქართული ოცნების" კანდიდატმა ჩაატარა წინასაარჩევნო კამპანია.

დილიდან საარჩევნო უბანთან იმყოფებიან ადიგენის მერიის და საკრებულოს თანამშრომლები.

უბნის მიმდებარედ, ავტომობილში მყოფი ადამიანები კი ფოტოებიანი საარჩევნო სიების მეშვეობით, ამოწმებენ უბანზე ვინ მივიდა და ვინ არა.

ცესკოში 07:00 სთ-დან მუშაობს ცენტრალური საარჩევნო კომისიის სატელეფონო-საინფორმაციო ცენტრი (ტელ: 2 51 00 51) და ონლაინ ჩატი.

„მოქალაქეებსა და დაინტერესებულ მხარეებს შეუძლიათ მოგვმართონ, მოგვაწოდონ და მიიღონ არჩევნებთან დაკავშირებული ნებისმიერი სახის ინფორმაცია“, – აცხადებენ ცენტრალურ საარჩევნო კომისიაში.



[sknews.ge]