N2 აბასთუმნის საარჩევნო უბანზე პირველი ამომრჩეველი მივიდა

პირველი ამომრჩეველი იზოლდა აზარაშვილი საარჩევნო უბანზე 08:04 საათზე მივიდა.

"დავაფიქსირე ჩემი არჩევანი, ველოდები სიკეთეს და უკეთეს ცხოვრებას", – განაცხადა იზოლდა აზარაშვილმა.

N2 აბასთუმნის საარჩევნო უბანზე 1 124 ამომრჩეველია,აქედან 33 გადასატანი ყუთის საშუალებით გააკეთებს არჩევანს.

ადიგენის მუნიციპალიტეტის საკრებულოში მოსახვედრად ცხრა კანდიდატი იბრძვის.

ცესკოში 07:00 სთ-დან მუშაობს ცენტრალური საარჩევნო კომისიის სატელეფონო-საინფორმაციო ცენტრი (ტელ: 2 51 00 51) და ონლაინ ჩატი.
„მოქალაქეებსა და დაინტერესებულ მხარეებს შეუძლიათ მოგვმართონ, მოგვაწოდონ და მიიღონ არჩევნებთან დაკავშირებული ნებისმიერი სახის ინფორმაცია“, – აცხადებენ ცენტრალურ საარჩევნო კომისიაში.

[sknews.ge]