სილქნეტმა რეგიონებში ჯეოსელის მეოთხე თაობის (4.5G) ქსელი გააძლიერა [R]

სამცხე-ჯავახეთში ჩატარდა ინტენსიური სამუშაოები, რომელთა მიზანი იყო რეგიონში არსებული მეოთხე თაობის ქსელის გაძლიერება 4.5G ქსელით, ხოლო იმ ადგილებში, სადაც მომხმარებელი ადრე ვერ სარგებლობდა მეოთხე თაობის ინტერნეტით, აღნიშნული ტექნოლოგია დაინერგა.

15-მდე ქალაქს, სოფელსა და დასახლებულ პუნქტს მიეწოდება 4.5G ტექნოლოგია: ადიგენი, ახალდაბა, ასპინძა, ძველი, გოგაშენი, ხორკი, მინაძე, ორჭოსანი, ქულალისი, რველი, სხვილისი, ვაჩიანი, ვარძია, ვალე.

მნიშვნელოვნად გაუმჯობესდა მეოთხე თაობის ქსელი ახალქალაქში, ახალციხეში, ბორჯომსა და ნინოწმინდაში.

კომპანია კვლავაც აგრძელებს თანმიმდევრულ სამუშაოებს ჯეოსელის ქსელის გასაძლიერებლად რეგიონის დანარჩენ ტერიტორიაზე, რათა საუკეთესო მომსახურება შესთავაზოს თავის აბონენტებს.

აღნიშნული სამუშაოების შედეგად კი, მომხმარებელი მიიღებს გაცილებით სტაბილურ სიგნალს და ბევრად უფრო მაღალ სიჩქარიან ინტერნეტს. გაძლიერებული 4.5G ქსელის პირობებში ჯეოსელის აბონენტები, დაახლოებით, 5-ჯერ უფრო სწრაფი ინტერნეტით შეძლებენ სარგებლობას.