ბორჯომში წარჩინებულ სკოლადამთავრებულებს მედლები გადასცეს

23 ოქროსა და ხუთი ვერცხლის მედალი აკადემიური მოსწრების მიხედვით, 2017-2018 წლის კურსდამთავრებულებს გადაეცათ.

მედლები ბორჯომის №1, №3, №6, დაბა ბაკურიანის, დაბა წაღვერის, სოფლების რველისა და ივ. ჯავახიშვილის სახელობის ზოგადსაგანმანათლებლო კერძო სკოლის კურსდამთავრებულებმა მიიღეს.

ინიციატივა საქართველოს განათლებისა და მეცნიერების სამინისტროს ეკუთვნის, რომლის მთავარი მიზანი მოსწავლეთა მოტივაციის ამაღლება, მათი აკადემიური მოსწრების წახალისება და წარჩინებულ მოსწავლეთა წარმოჩენაა.

[sknews.ge]