ახალქალაქის ციხეს რეაბილიტაცია ჩაუტარდება

ახლქალაქის ციხესთან ერთად, რეაბილიტაცია ჩაუტარდება ციხის ეზოში მდებარე ჯამესაც. რა რაოდენობის თანხა გამოიყოფა საპროექტო სამუშაოებისა და ციხის რეაბილიტაციისთვის, ჯერ განსაზღვრული არ არის.

ისტორიული წყაროების მიხედვით, ახალქალაქის ციხე მე-11 საუკუნეში აიგო. მე-15 საუკუნეში იგი სრულიად დანგრეულა. მე-17 საუკუნეში კი კვლავ აღადგინეს და ოსმალების დაქვემდებარებაში შედიოდა. სავარაუდოა, რომ ციხის ეზოში არსებული მეჩეთიც ამავე პერიოდში აიგო.

დღეს, პირველ მაისს ახალქალაქის ციხე კულტურული მემკვიდრეობის დაცვის სააგენტოს დირექტორმა ნიკოლოზ ანთიძემ, რეგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ, სამცხე-ჯავახეთის რწმუნებულმა ადგილობრივ თვითმმართველობის წარმომადგენლებთან ერთად დაათვალიერა.



[sknews.ge]