ახალციხის მერია ადგილობრივებს 2020 წლის ბიუჯეტის დაგეგმვაში ჩართვას სთავაზობს

დღევანდელ შეხვედრაზე, რომელიც სამუსიკო სკოლაში გაიმართა, ახალციხის მუნიციპალიტეტში მაცხოვრებლებს და არასამთავრობო ორგანიზაციების წარმომადგენლებს პროექტის დეტალები გააცნეს. მოქალაქეებს საპროექტო იდეების წარდგენა და მათთვის ხმის მიცემა ელექტორნულად შეუძლიათ.

„გვინდა ბიუჯეტის ფორმირებისას მოქალაქეები ბოლომდე ჩართულები იყვნენ. ბიუჯეტი მოსახლეობასთან ერთად უნდა დაიგეგმოს, ისეთ ადამიანებთან ვისთვისაც სულ ერთი არ არის მუნიციპალიტეტში განხორციელებული პროექტები“, – განაცხადა ახალციხის მუნიციპალიტეტის მერის მოადგილემ გურამ მელქიძემ.

მისი თქმით, მუნიციპალიტეტში მცხოვრებ დაინტერესებულ პირს იდეის გამოგზავნა სისტემა "ვოლისზე" 22 აპრილიდან პირეველ ივლისამდე შეეძლებათ. რვა ივლისამდე სამი კრიტეტიუმის მიხედვით გადაარჩევენ, შემდეგ კი ხმის მიცემა დაიწყება. ხმის მიცემა მუნიციპალიტეტში მცხოვრებ ნებისმიერ პირს მხოლოდ ერთხელ შეუძლია. გამარჯვებული იდეის ავტორი 15 ოქტომბერს გამოვლინდება.

„სამი კრიტერიუმი გვექნება გასათვალიწინებელი, იდეა მუნიციპალიტეტის ტერიტორიას უნდა ეხებოდეს, ასევე, უნდა შედიოდეს ჩვენი მერის კომპეტენციაში და მისი განხორციელება არ უნდა აღემატებოდეს 50 000 ლარს“, – განმარტავს გურამ მელიქიძე.

პროექტი, რომელიც მეორე წელია ხორციელდება ახალციხის მოქალაქეებს ადგილობრივი ბიუჯეტის დაგეგმვის პროცესში უშუალო მონაწილეობის, მათთვის მნიშვნელოვანი, პრიორიტეტული საკითხების და საჭიროებების წარმოჩენისა და განხორციელების რეალურ შესაძლებლობას აძლევს.

გასულ წელს ყველაზე მეტი ხმა „ზდასრულთა განათლების ცენტრის“ ხელმძღვანელის თამარ კაპანაძის იდეამ დააგროვა, რომელიც ქალაქის ტერიტორიის გამწვანებას ისახავდა მიზნად. ხეების დარგვის პროცესი რამდნეიმე დღის წინ დაიწყო.

„ადგილობრივმა მაცხოვრებლებმა შეძლეს, რომ რეალურად მიეღოთ მონაწილეობა ბიუჯეტის დაგეგმვის პროცესში. ჩვენ ვაგრძელებთ თანამშრომლობას და იმედი მაქვს, რომ მომავალი წლების განმავლობაში უფრო მეტი ადამიანი ჩაერთვება“, – ამბობს დემოკრატიული მმართველობის პროექტის ხელმძღვანელი ლევან სამადაშვილი.

სისტემა "ვოლისი" USAID GGI-ს, IDFI-ს და ესტონეთის "ელექტრონული მმართვლობის აკადემიის" მხარდაჭერით ამოქმედდა.

[თინათინ ზაზაძე, ახალციხე]