ხულო-ზარზმის მიმართულებით გზის რეაბილიტაცია დაიწყება

ბათუმი(ანაგისა)-ახალციხის საავტომობილო გზის ხულო-ზარზმის მონაკვეთი სულ 47 კილომეტრიანია და პირველ ეტაპზე გზის 29 კილომეტრიანი მონაკვეთი (კმ0-კმ29) აშენდება. პირველი ეტაპის მშენებლობას, არაბეთის ეკონომიკური განვითარების ქუვეითის ფონდი (KFAED) აფინანსებს.

პროექტის განხორციელების შედეგად აღნიშნული მიმართულებით გადაადგილების დრო 1.5 საათით შემცირდება.

ხულო-ზარზმის მონაკვეთი, პრემიერ-მინისტრის გიორგი კვირკიაშვილის ინიციატივის, 4 პუნქტიანი გეგმის ერთ-ერთი მიმართულების ქვეყნის სივრცითი განვითარების ნაწილია. სივრცითი მოწყობის ფარგლებში, მთელი საქართველოს მასშტაბით დაპროექტდება და დაიგება რეგიონების დამაკავშირებელი სატრანსპორტო ქსელი.

[sknes.ge]