შვიდთვიანი ლოდინის შემდეგ აწყვიტის ხიდის რეაბილიტაცია დაიწყო

ამ დროისთვის სამშენებლო სამუშაოები ავარიულ ხიდის ქვედა ნაწილში მიმდინარეობს. როგორც სამშენებლო კომპანიის დირექტორი ავთანდილ კაჭკაჭაშვილი ამბობს, ბურჯები უკვე ჩაასხეს და შველერებს ამონტაჟებენ: „ამის დასრულდების შემდეგ ხიდზე ავყრით ხემასლას და ახალს დავაგებთ. ვიდრე მოვრჩებით, ხიდი ისევ ჩაკეტილი იქნება“.

კომპანიას სამუშაოების შესასრულებლად ვადა 90 დღე აქვს და კომპანიამ სამუშაოები მიმდინარე წლის 23 ივნისამდე უნდა დაასრულოს.

აწყვიტა–ნიჯგორის დამაკავშირებელი ხიდი გასული წლის სექტემბარში ჩაინგრა, ამ დროს ხიდზე მიკრო ავტობუსი გადაიოდა, შემთხვევის შედეგად არავინ დაშავებულა. მას შემდეგ ხიდი ჩაკეტილია.

[ლუბა გიორგაძე, ასპინძა]