აწყვიტაში ჩამტვრეული ხიდის რეაბილიტაციისთვის 80 000 ლარზე მეტი დაიხარჯება

ასპინძის მუნიციპალიტეტის მერიამ, ნიჯგორი აწყვიტის დამაკავშირებელი ხიდის რეაბილიტაციისათვის ტენდერი 15 თებერვალს გამოაცხადა, სატენდერო წინადადებების მიღება 23 თებერვალს დაიწყება და 26 თებერვალს დასრულდება.

სატენდერო დოკუმენტების მიხედვით, ტენდერში გამარჯვებულმა კომპანიამ სამუშაოები 90 დღის ვადაში უნდა განახორციელოს. მან მთლიანად უნდა შეცვალოს ხიდის სავალი ნაწილი და საყრდენები.

ბაგირებზე დაკიდებული ხიდი მსუბუქი ავტომობილებისთვის და ქვეითად მოსიარულეებისთვის იქნება განკუთვნილი.

შეგახსენებთ, რომ ხიდი, რომელიც სოფელ აწყვიტას, ნიჯგორთან და დაბასთან აკავშირებს, გასული წლის 16 სექტემბერს მაშინ ჩაინგრა, როცა მასზე მიკრო ავტობუსი გადადიოდა. მას შემდეგ ხიდი დაკეტილია.

[ლუბა გიორგაძე, ასპინძა]