ასპინძისა და ვალის სკოლებში მანდატურები დაინიშნენ

დღეს, 29 მარტს მანდატურის სამსახურის წარმომადგენლებმა ახალი თანამშრომლები სკოლებს თავად წარუდგინეს. სამცხე–ჯავახეთის გარდა, მანდატურები კიდევ ექვსი რეგიონის სკოლებში დაინიშნა. ესენია: აჭარის, კახეთის, გურიის, სამეგრელოს, ქვემო ქართლისა და მცხეთა-მთიანეთის. მანდატურები დამატებით 27 საჯარო სკოლაში იქნებიან წარმოდგენილი.

ახლადდანიშნულმა მანდატურებმა, უსაფრთხოების ახალი წესის თანახმად, შსს-ს აკადემიაში 2 თვიანი გადამზადების კურსი გაიარეს. ისინი ეფექტური კომუნიკაციისა და კონფლიქტების მართვის უნარებს დაეუფლნენ და ბავშვისა და მოზარდის განვითარების ფსიქოლოგიური ასპექტები შეისწავლეს.

დღეისთვის, მანდატურის სამსახური, საქართველოს მასშტაბით, უკვე წარმოდგენილია 485 საჯარო სკოლაში.

მიმდინარე რეფორმის ფარგლებში, 2020 წლის ბოლომდე, მანდატურის სამსახურის მომსახურებით ისარგებლებს, დამატებით, 233 საჯარო სკოლა.

[sknews.ge]