წაღვერის წყლის მილიონნახევრიანი პროექტი დასრულდა, თუმცა მილებიდან წყალმა გაჟონა

დღეს, 26 მარტს დილიდან, ბორჯომი ახალციხის ცენტრალური მაგისტრალი, სასწრაფო სამედიცინო დახმარების შენობის წინ, იტბორება. მიზეზი ისაა, რომ ბორჯომი–წაღვერი–ტიმოთესუბნის შიდა ქსელის რეაბილიტაციის დასრულების შემდეგ, საცდელად გაშვებულმა წყალმა მილებიდან გაჟონა.

„ეს პროექტი არ ჩაგვიბარებია ჯერ, თუ სათანადოდ არ შეასრულებენ პროექტს, ბუნებრივია არ ჩავიბარებთ“, – ამბობს გაერთიანებული წყალმომარაგების კომპანიის სამცხე–ჯავახეთის რეგიონული ფილიალის ხელმძღვანელი ბესიკ ფილაური.

სამუშაოებს აქ წყალმომარაგების კომპანიის მიერ გამოცხადებულ ტენდერში გამარჯვებული კომპანია „ბილდ ინდუსტრი“ ასრულებს. კომპანიამ პროექტის ფარგლებში ჯამში ხუთ კილომეტრამდე სხვადასხვა დიამეტრის მქონე მილი შეცვალა.



[sknews.ge]