ცესკო შუალედური არჩევნებისთვის ადიგენში 11 231 ლარს დახარჯავს

საქართველოს ცენტრალური საარჩევნო კომისიის 2019 წლის 20 მარტის დადგენილების მიხედვით, საარჩევნო ოლქებში თანხა ასე განაწილდა: ზუგდიდი - 51 134 ლარი; ჭიათურა - 40 497 ლარი; მარნეული - 39 427ლარი ; ხულო - 37 060 ლარი; ზესტაფონი - 32 949ლარი; მთაწმინდა - 24 350 ლარი; ოზურგეთი 16 441 ლარი; ტყიბლი 13 817 ლარი; ახმეტა - 12 653 ლარი; წყალტუბო 12 499 ლარი; ადიგენი 11 231ლარი; საგარეჯო - 10 554 ლარი.

ადიგენში არჩევნები, მხოლოდ ერთ N2 აბასთუმნის საარჩევნო უბანზე გაიმართება. კურორტ აბასთუმანში ადიგენის მუნიციპალიტეტის საკრებულოს მაჟორიტარ დეპუტატს აირჩევენ.

ადიგენის საკრებულოში აბასთუმნის მაჟორიტარი დეპუტატი 2018 წლის ოქტომბრამდე ტარიელ ენდელაძე იყო. მძიმე ავადმყოფობის შედეგად მისი გარდაცვალების შემდეგ ეს პოზიცია თავისუფალია, ამიტომ აბასთუმანში დეპუტატს გაზაფხულზე აირჩევენ. აბასთუმანში მაჟორიტარი დეპუტატობის კანდიდატი ამ დრომდე ადიგენში მოქმედ არცერთ პარტიას შერჩეული არ ჰყავს.