'შენ ხარ ჯალათი და ხელის ბიჭი' - დაპირისპირება აქციაზე [video]

"ზურაბ ჩილინგარაშვილს შევახსენე, რომ ის არის ჯალათი და ხელის ბიჭი", - ამბობს ახალციხის ციხის დირექტორი გუჯა ბიჭაშვილი.

მისი თქმით, აქციაზე იმიტომ იმყოფება, რომ რელიგიური კონფლიქტის ხელოვნურად გაჩაღების მცდელობა გააპროტესტოს: "ეს იყო მიზანმიმართული დემონტაჟი "ნაცმოძრაობის" მხრიდან, არაკანონიერად, უნებართვოდ, ყველაფრის გარეშე განახორციელეს დემონტაჟი. არ კითხეს არც მართლმადიდებლებს, არც მუსლიმან ქართველებს. ძალიან კარგად იცის ეს ჩილინგარაშვილმა".

აქციაზე მყოფი ზურაბ ჩილინგარაშვილი ამბობს, რომ აქციაზე მისი რაიონის მცხოვრებლების მხარდასაჭერად მივიდა.

"ჩემი რაიონის მცხოვრებლები არიან და როგორც აჭარელ მოსახლეობას ვუდექი გვერდით, ისე დავუდგები ამათაც გვერდში, რომ ეს დაძაბულობა როგორმე განვმუხტოთ. ეგ თუ ბიჭაშვილი იყო, მე პირველად გავიგე. რატომღაც, არის რამდენიმე პროვოკატორი, რომლებიც ფიქრობენ, რომ ჩემი ბრძანებით, მე დავადგმევინე იქ მინარეთი, რაც სასაცილოა. თუ დაიწყო ერთამანეთზე გადაბრალება, ამ საქმეს ბოლო არ ექნება", - განაცხადა ჩილინგარაშვილმა.



[sknews.ge]