ზურა ჩილინგარაშვილი: „რელიგიური თემებით პოლიტიკური ქულების დაწერას არ ვაპირებ“

ზურაბ ჩილინგარაშვილი სამხარეო-სამმართველოსთან ადგილობრივებს შეხვდა.

„დღეს ჩამოვედი ესპანეთიდან, 7 დღე საქართველოში არ ვყოფილვარ, გავერკვევი ვითარებაში“, - განაცხადა მან.

მისი თქმით, 60 წლის განმავლობაში მუსლიმები და ქრისტიანები მშვიდად თანაცხოვრობდნენ, ბოლოს დროს კი რატომღაც ვითარება დაიძაბა: „ეს შუღლი ახლა დაიწყო, არ მინდა ჩავერიო კონფლიქტში, რელიგიური თემებით პოლიტიკური ქულების დაწერას არ ვაპირებ. ალბათ დავუკავშირდები ზაქარეიშვილს და ვთხოვ რომ ეს საკითხი ერთხელ და სამუდამოდ მოაგვარონ“.

შეგახსენებთ, რომ გუშინ, 22 ოქტომბერს, სოფელ მოხეში მუსლიმებმა ძველი მეჩეთის შენობაში ბიბლიოთეკის გახსნის სამუშაოები გააპროტესტეს, რასაცსამართალდამცავებთან დაპირისპირება მოჰყვა. დაკავებულია 14 მუსლიმი. მუსლიმები დაკავებულების გათავისუფლების მოთხოვნით სამცხე–ჯავახეთის სამხარეო სამმართველოსთან მთელი ღამის განმავლობაში მართავდნენ აქციას. აქცია ამ წუთებშიც გრძელდება.

[თამუნა უჩიძე, ახალციხე]