ახალქალაქის ადგილობრივი ბიუჯეტიდან ფსიქიკური პრობლემების მქონე პირებს დააფინანსებენ

სოციალური ჯანდაცვის პროგრამისთვის წელს გათვალისწნებული 220 000 ლარია.

„აქამდე ფსიქიკური ჯანმრთელობის პრობლემების მქონე მოქალაქეებს არ ვეხმარებოდით, ახლა კი ჩვენ მუნიციპალიტეტში მცხოვრებლები ერთჯერადად 500 ლარის მიღბას შეძლებენ“, – გვითხრა ახალქალაქის მერიის სოციალური უზრუნველყოფის და ჯანდაცვის განყოფილების უფროსმა კლიმენტი ჩტჩიანმა.

გასულ წლებში, ოპერაციის ხარჯებს მერიიდან მხოლოდ სოცილაურად დაუცველებს უფინანსებდნენ, მიმდინარე წელს კი დახმარების მიღებას ქირურგიული ჩარევის საჭიროების შემთხვევაში ნებისმიერი მოქალაქე შეძლებს. ასევე, გაზარდა მერიამ შშმ ბავშვების მკურნალობისთვის გამოყოფილი თანხის ოდენობაც.

„1500 ლარის ფარგლებში შშმ ბავშვებს მკურნალობას, ან ოპერაციას 100 პროცენტით დავუფინანსებთ“, – ამბობს კლიმენტი ჩტჩიანი და ამატებს, რომ საჭიროების შემთხვევაში სოციალური პროგრამისთვის გათვალისწინებული 220 000 ლარის ოდენობა შესაძლოა გაიზარდოს.

[მარიამ ბარძიმაძე, ახალქალაქი]