ახალციხეში ავარიისას დაშავებული 8 წლის გოგონას მდგომარეობა მძიმეა

გუშინ, 16 თებერვალს ახალციხეში ავარიისას სამი მცირეწლოვანი დაშავდა, აქედან თბილისში ერთი, რვა წლის გოგონა გადაიყვანეს, რომელის მდგომარეობაც მძიმეა.

"მრავლობითი მოტეხილობა აქვს. გაკეთდა კომპიუტერული ტომოგრაფია პოლიტრავმულ რეჟიმში, ველოდებით შესაბამის პასუხებს. პაციენტს გაეწია ტრავმატოლოგის კონსულტაცია, ახლა იმყოფება ნეიროქირურგის მეთვალყურეობის ქვეშ. მისი ჯანმრთელობის მდგომარეობა მძიმეა“, - აცხადებენ იაშვილის კლინიკაში.

დანარჩენი დაშავებულები, მათ შორის ორი არასრულწლოვანი კლინიკა „იმედიდან“ გუშინვე გაწერეს.

ავტოსაგზაო შემთხვევა ახალციხეში გუშინ, 16 თებერვალს მოხდა.

[მარიამ ბარძიმაძე, ახალციხე]