ახალციხეში, მდინარეში გადამხტარი ქალის მდგომარეობა მძიმეა

„მდგომარეობა მძიმეა მაგრამ სტაბილური. უტარდება გამოკვლევები. ამ ეტაპზე სხვა არაფრის თქმა არ შემიძლია“, – ამბობს ახალციხის რეფერალური ჰოსპიტალის ხელმძღვანელი ხათუნა კეკელაშვილი.

25 წლის ფ.ლ–ს თვითმკვლელობის მცდელობის ფაქტზე ახალციხის რაიონულმა სამმართველომ ძიება სსკ–ის 115–ე მუხლით დაიწყო, რაც თვითმკვლელობამდე მიყვანას გულისხმობს.



ახალციხეში, თამარაშვილის ქუჩაზე, ხიდიდან ახალგაზრდა ქალი მდინარე ფოცხოვში გადახტა. თვითმხილველებმა იგი წყლიდან ცოცხალი გამოიყვანეს, თუმცა ვიდრე სასწრაფო სამედიცინო დახმარების ჯგუფი მოვიდოდა, გოგონამ გონება დაკარგა.

შემთხვევა, დღეს, 24 თებერვალს, დაახლოებით, 15:00 საათზე მოხდა. მომხდარის შესახებ სამაშველო სამსახურში შეტყობინება არ შესულა.

[თამუნა უჩიძე, ახალციხე]